Жамият тараққиётида хотин-қизларни тутган ўрни
Наманган давлат университетиМамлакатимизда аёлларнинг турли соҳалар ривожига қўшаётган катта ҳиссасини тан олиш, уларнинг ҳаётимиздаги ўрни ва ролини ошириш, ҳам сиёсий, ҳам ижтимоий нуфузини кўтариш муҳим вазифалардан бири бўлиб қолмоқда.
Аёлларнинг жамиятдаги ўзига хос ўрнини хар томонлама ҳисобга олиш, уларнинг социал ҳаётда батафсил иштирок этиш имкониятларини аниқлаб беради. Яъни, аёллар турмуш тарзининг маиший шарт-шароитларидан келиб чиқиб, улар учун меҳнат фаолиятининг ўзига хос турларини ривожлантиришда ёрдам кўрсатиш зарур. Бунинг учун уйда ишлаш шароитларини яратиш, халқ ҳунармандчилигини ривожлантириш каби масалаларни тўғри хал этиш демократик жараёнларнинг ижтимоий муҳим вазифаларидан биридир. Шу сабабдан ҳам, жамиятимизда аёлларни ижтимоий қўллаб-қувватлаш учун кўп ишлар амалга оширилмоқда. Бунга мисол қилиб, аёлларни тадбиркорликка кенг жалб қилиш ва уларни қўллаб-қувватлаш мақсадида республикамизда 2013 йил тижорат банклари томонидан 117 миллиард сўмдан зиёд кредит маблағи ажратилганини кўрсатишимиз мумкин. Бу эса, ўз навбатида, хотин-қизларга ўз ишини очиб, оиласи, юртимиз учун фойда келтириш, жамият социал ҳаётида ўзининг ўрнини топишга имконият бераётганлигидан далолат беради.